Unsere Figuren
Unsere einzigartigen Fasnachtsfiguren! Der Kuchener Gsälzbär, der Tonstecher und die Gsälzhafnerin
Tonstecher, bisch a fleiß‘ger Ma, mr sieht dr d’Arbeit im G‘sicht scho a.
Ond wenn du hoimkommsch von deim Schaffa freisch de scho auf G‘sälz im Hafa!
Doch des Zuig, wia du schnell erfahrsch,
brennt dir durch von dr Gosch bis zum Arsch.
Doch da kommt dir die Idee:
Rennsch auf d’ Markt und schreisch ,,Juchee!“
Verkaufsch des G‘sälz in ganze Schütta,
als Medizin gega Mundgeruch und Hämorrhoida!!
G‘sälzhafnere, du Lombadier,
du bisch a Luader, des wissa mir!
Jeden Ma der kommt vorbei lädsch du glei zur Hausdier nei.
Ond er hot - Gott mogs vergeba - bei dir glei des scheenste Leaba.
Bloß deim oigna arma Ma stellsch a G‘sälz mit Chili na,
dass er glei nach Wasser rennt,
weil ihm d‘Gosch wia Fuier brennt!
In Kuacha send dia Bära los,
wenn au in dr Fasnet bloß! Se dennt ed in dr Höhle hausa, sondern mittla G‘sälzhafhausa.
Hoorig, hoorig isch dr Bär,
doch au gmiatlich isch er sehr. Er isch a ganz besondrer Bär,
koin Honig, sondern G’sälz mog er.
Gmiatlich und träge isch der Gsell mit seim brauna Zottelfell.
Doch der Honger treibt ihn a,
dann stellt Schabernack er a.